SWIN.SWETTE

De minsk sit fol ferhalen. Bysûndere folksoerleveringen, mar ek ûnfoarstelbere oantallen anekdoates en sterke staaltsjes. Wierbarde ferhalen, dy’t troch de fertellers faak noch mear kleur meikrije.

Meastentiids ferteld oan’e taap of op it leugenbankje.

Jan Arendz en Marijke Geertsma hawwe de ôfrûne maitiid mei in soad minsken yn petear west om de sterkste ferhalen boppe tafel te krijen. Mei dit kostbere materiaal binne se oan it skriuwen slein en dat hat úteinlik resultearre yn Sterk Staaltsje.

Yn kafees rûnom yn Fryslân spylje Jan en Marijke de kommende maitiid harsels. Sy fertolke yn Sterk Staaltsje de ferhalen fan de bewenners fan Fryslân. Ferhalen om te laitsjen en je oer te ferwûnderjen, mar benammen ek om even by stil te stean. Jan Arendz en Marijke Geertsma bringe de krêft fan it ferhaal ta libjen en soargje dêrmei dat dizze bysûndere folkskultuer nij libben ynblaast wurdt.

tekst en spul	Jan Arendz en Marijke Geertsma
einregy	Bruun Kuijt